Çindao limanında təmirə dayanan xarici bayraqlı gəmidə baş verən yanğın ağır itkilərə səbəb olub
Elpress.az xəbər verir ki, Çinin Çindao şəhərində yerləşən “Beyhay” gəmiqayırma zavodunda təmirə dayanan xarici yük gəmisində güclü yanğın baş verib.Hadisə zamanı gəmidə ümumilikdə 42 nəfərin olduğu bildirilib. Yanğın nəticəsində azı 20 nəfər həyatını itirib. 12 nəfər gəmidən təxliyə olunub, 5 nəfər isə yaralanaraq xəstəxanaya yerləşdirilib. Beş nəfərin taleyi ilə bağlı axtarış-xilasetmə tədbirləri davam etdirilir.Çin Prezidenti Si Szinpin itkin düşən şəxslərin mümkün qədər tez tapılması və xilas edilməsi, yaralılara lazımi tibbi yardım göstərilməsi barədə tapşırıqlar verib. O, həmçinin yanğının səbəblərinin qısa müddətdə müəyyənləşdirilməsini və təhlükəsizlik tədbirlərinin gücləndirilməsini istəyib.
