Belçikanın yaxın günlərdə keçiriləcək NATO sammiti çərçivəsində hava hücumundan müdafiə sistemlərinin alınması ilə bağlı mühüm qərar açıqlayacağı gözlənilir.
Elpress.az xəbər verir ki, Belçikanın iyulun 7-8-də Ankarada keçiriləcək NATO sammiti zamanı 3,1 milyard avro dəyərində hava hücumundan müdafiə sistemlərinin alınması barədə rəsmi açıqlama verəcəyi gözlənilir. Bu barədə “Reuters” agentliyi məlumatlı mənbələrə istinadən xəbər yayıb.Məlumata görə, Belçika 10 ədəd NASAMS və 20 ədəd “Skyranger” hava hücumundan müdafiə sistemi satın almağı planlaşdırır. Sözügedən hərbi texnikanın ümumi dəyərinin 3,1 milyard avro təşkil etdiyi bildirilir.Agentliyin iddiasına əsasən, müqavilə Belçika hökuməti tərəfindən vaxtında təsdiqlənərsə, Brüssel bu iri həcmli müdafiə satınalmasını NATO sammiti çərçivəsində rəsmən elan edəcək. Bu addımın ölkənin müdafiə imkanlarının gücləndirilməsi istiqamətində mühüm qərarlardan biri olacağı qeyd edilir.
