BƏƏ: İran Hörmüz boğazından keçən iki gəmini hədəfə alıb
Elpress.az xəbər verir ki, Birləşmiş Ərəb Əmirlikləri İranı dövlətə məxsus ADNOC şirkəti ilə əlaqəli iki gəmini Hörmüz boğazında hədəfə almaqda ittiham edib.BƏƏ Xarici İşlər Nazirliyinin məlumatına görə, hadisə gəmilər boğazdan keçərkən baş verib. Hücum nəticəsində xəsarət alan olmayıb.ADNOC da iki gəmisinin hücuma məruz qaldığını təsdiqləyərək vəziyyətin nəzarət altında olduğunu açıqlayıb. Gəmilərin adları, daşıdıqları yük və onlara dəyən zərərin həcmi barədə məlumat verilməyib.BƏƏ XİN hadisəni İranın “düşmənçilik xarakterli hücumu” kimi qiymətləndirib və İran İslam İnqilabı Keşikçiləri Korpusunu kommersiya gəmiçiliyini hədəfə almaqda ittiham edib. Nazirlik bu cür hücumların regional sabitlik və qlobal enerji təhlükəsizliyi üçün risk yaratdığını bildirib.
