Tanınmış amerikalı aktyor Denni Qlover uzun müddətdir Alzheimer xəstəliyi ilə mübarizə apardığını ilk dəfə ictimaiyyətə açıqlayıb.
Elpress.az xəbər verir ki, Hollivudun tanınmış simalarından biri olan Denni Qlover Alzheimer xəstəliyindən əziyyət çəkdiyini açıqlayıb. 79 yaşlı aktyor bu barədə NBC telekanalının “Today” proqramına müsahibəsində danışıb.Qlover bildirib ki, ona bu diaqnoz 2022-ci ildə fəxri “Oskar” mükafatını aldıqdan qısa müddət sonra qoyulub. Aktyor xəstəliyin zamanla irəlilədiyini desə də, həyata nikbin yanaşdığını və mübarizəsini davam etdirdiyini vurğulayıb.“Xəstəlik irəlilədikcə həyatım tədricən dəyişir. Mən müəyyən mənada bununla yaşaya bilərəm. Həyatımın sonu olduğunu hiss etmirəm. Görüləcək işlər var və həyat davam edir”, – deyə aktyor bildirib.Qeyd edək ki, Denni Qlover “Lethal Weapon”, “The Color Purple” və “Shooter” kimi məşhur filmlərdə yaratdığı obrazlarla dünya şöhrəti qazanıb.
