Yeni məhdudiyyət fiziki şəxslərlə yanaşı hüquqi şəxslər və fərdi sahibkarlara da şamil olunur
Elpress.az xəbər verir ki, Rusiyadan Azərbaycana 1 milyon rubldan artıq nağd Rusiya valyutasının çıxarılmasına məhdudiyyət qoyulub.Yeni qaydaya əsasən, fiziki şəxslər Rusiyadan Avrasiya İqtisadi İttifaqına üzv ölkələrlə yanaşı, Azərbaycan, Tacikistan və Özbəkistana 1 milyon rubldan çox nağd vəsait apara bilməzlər.Məhdudiyyətlərin hüquqi şəxslərə və fərdi sahibkarlara məbləğindən asılı olmayaraq tətbiq ediləcəyi bildirilib. Sənəddə müəyyən istisnalar da nəzərdə tutulub.Qeyd edək ki, bundan əvvəl fiziki şəxslərin Rusiyadan nağd rubl çıxarması üçün limit 100 min ABŞ dolları ekvivalentində müəyyən edilmişdi. Azərbaycan, Tacikistan və Özbəkistan isə həmin məhdudiyyətlərə daxil deyildi. Yeni qərarla bu ölkələr də məhdudiyyətin əhatə dairəsinə salınıb.
