Elpress.az xəbər verir ki, Türk Dövlətləri Təşkilatına (TDT) üzv ölkələr arasında təhlükəsizlik və hüquq-mühafizə sahəsində əməkdaşlığın yeni mərhələyə keçirilməsi təklif olunub.
Təklif Türkiyənin daxili işlər naziri Mustafa Çiftçi tərəfindən Qazaxıstanın paytaxtı Astanada keçirilən TDT Daxili İşlər Nazirlərinin 3-cü toplantısından sonra səsləndirilib.Nazirin sözlərinə görə, Türk dövlətləri arasında sərhədlərarası cinayətkarlıq, terror, narkotik vasitələrin qanunsuz dövriyyəsi, qeyri-qanuni miqrasiya, yeni nəsil cinayət təşkilatları, qanunsuz mərc və qumarla mübarizə istiqamətində əməkdaşlığın gücləndirilməsi müzakirə olunub.Çiftçi bildirib ki, TDT çərçivəsində yaradılması təklif edilən Cinayətkarlıqla Mübarizə Şurasının daha geniş mexanizmə çevrilməsi nəzərdə tutulur.O, Türk dövlətləri arasında İnterpol və Avropol kimi fəaliyyət göstərə biləcək **“TÜRKPOL – Türk Dövlətləri Hüquq-Mühafizə Əməkdaşlığı Agentliyi”**nin yaradılmasını təklif etdiyini açıqlayıb.Məlumata görə, təklif Qazaxıstan, Azərbaycan, Qırğızıstan və Özbəkistanın daxili işlər nazirləri tərəfindən müsbət qarşılanıb. Yeni qurumun yaradılması ilə sərhədlərarası cinayətlərlə mübarizədə məlumat və təcrübə mübadiləsinin, eləcə də hüquq-mühafizə orqanları arasında koordinasiyanın gücləndirilməsi hədəflənir.
Hazırda TÜRKPOL-un yaradılması təklif mərhələsindədir və bununla bağlı müvafiq mexanizmlərin formalaşdırılması istiqamətində işlərin aparılması nəzərdə tutulur.
