Elpress.az bildirir ki, ABŞ qüvvələri İranın Hörmüz boğazı istiqamətində hərbi vasitələr və silahlar daşıdığı iddia olunan obyektlərə zərbələr endirib.
Məlumatı “Al Hadath” telekanalı öz mənbələrinə istinadən yayıb. Telekanalın məlumatına görə, hücumların hədəfində İran tərəfindən Hörmüz boğazına göndərilən hərbi texnika olub.Mənbələr yeni zərbələrin Vaşinqtonun Tehranla bağlı artan narahatlıqları fonunda həyata keçirildiyini bildiriblər. İddialara əsasən, ABŞ İranın Hörmüz boğazında ticarət gəmilərinə qarşı mümkün hücumları genişləndirə biləcəyini ehtimal edir.Qeyd edək ki, Hörmüz boğazı ətrafında son hadisələr regionda gərginliyin daha da artmasına səbəb olub.
Məlumatın digər müstəqil mənbələr tərəfindən təsdiqlənib-təsdiqlənmədiyi açıqlanmayıb.
