Aysel Əlibəyli
16 İyul 2026 · 13:56
1056 baxış
İranın Məşhəd şəhərində yerləşən İmam Rza ziyarətgahı kompleksində yanğın qeydə alınıb
Elpress.az xəbər verir ki , İranın Məşhəd şəhərində yerləşən İmam Rza ziyarətgahı kompleksində yanğın hadisəsi baş verib.Məlumata görə, yanğın ziyarətgahın ərazisində fəaliyyət göstərən bitum emalatxanasında başlayıb. Hadisə barədə məlumat daxil olduqdan sonra ziyarətgahın yanğınsöndürmə qüvvələri və Məşhəd Yanğından Mühafizə İdarəsinin əməkdaşları əraziyə cəlb olunublar.Operativ müdaxilə nəticəsində alov qısa müddətdə nəzarət altına alınıb və yanğının kompleksin digər hissələrinə yayılmasının qarşısı alınıb. Hadisə zamanı ərazidə sıx tüstü müşahidə edilsə də, ilkin məlumata əsasən xəsarət alan olmayıb.
