Elpress.az xəbər verir ki, ABŞ-nin müharibə naziri Pit Heqset İranı sərt şəkildə hədələyib.
Heqset bildirib ki, İranın ABŞ hərbi gəmilərinə hücumları davam edərsə, Vaşinqton ölkənin neft tankerlərinə qarşı zərbələr endirəcək. Onun sözlərinə görə, İranın tanker donanmasının ABŞ qüvvələri qarşısında müdafiəsi zəifdir.Pentaqon rəhbəri qeyd edib ki, İranın ABŞ Hərbi Dəniz Qüvvələrinə atəş açmaması qarşıdurmanın qarşısını almağın əsas şərtidir.Heqsetin açıqlamasından sonra İran Silahlı Qüvvələrinin Mərkəzi Qərargahından da cavab gəlib. Tehran növbəti hücumların əvvəlkilərdən daha ağır olacağı barədə xəbərdarlıq edib.Xatırladaq ki, daha əvvəl İranın Hörmüz boğazında bir neçə gəmiyə zərbə endirməsindən sonra ABŞ Silahlı Qüvvələrinin Mərkəzi Komandanlığı İranın üç neft tankerinə cavab zərbələri endirildiyini açıqlamışdı
