Elpress.az xəbər verir ki, sentyabrın 7-də Azərbaycanda hava şəraitinin dəyişkən olacağı, bir sıra ərazilərdə yağış yağacağı gözlənilir.
Bakıda və Abşeron yarımadasında gün ərzində bəzi yerlərdə fasilələrlə yağış yağacaq. Ayrı-ayrı ərazilərdə yağıntının leysan xarakterli olacağı, şimşək çaxacağı ehtimal edilir. Küləyin istiqaməti dəyişəcək və gündüz şimal-qərb küləyi güclənəcək.Paytaxtda havanın temperaturu gecə 20-23°, gündüz 28-32°, axşam isə 26° isti olacaq.Bölgələrdə də bəzi yerlərdə yağışın intensivləşəcəyi, dolu düşəcəyi və şimşək çaxacağı bildirilir. Axşam saatlarında yağıntıların güclənəcəyi, yüksək dağlıq ərazilərdə isə yağışın qara keçəcəyi ehtimal olunur.Gecə və səhər saatlarında bəzi dağlıq ərazilərdə duman müşahidə ediləcək. Havanın temperaturu rayonlarda gecə 18-23°, gündüz 30-34°, dağlıq ərazilərdə isə gecə 12-17°, gündüz 18-23° isti olacaq.
