Elm və təhsil naziri Emin Əmrullayev ilə Hafiz Paşayevnun tələbələrlə görüşü zamanı maraqlı anlar yaşanıb.
Elpress.az xəbər verir ki,Görüş zamanı çıxış edən Hafiz Paşayev nazirin televiziya çıxışlarını izlədiyini deyərək zarafatla bunları söyləyib:
“Burada sizinlə birlikdə oturub sualları cavablandırmaq mənim üçün də maraqlıdır. Çünki mən televizorda suallara verdiyiniz cavabları izləyirəm, hərdən heç mən başa düşmürəm nə deyirsiniz. İndi çalışacağam başa düşüm. Çünki doğrudan da auditoriya çox xətalı şeydir. Bir şeyi istədiyin kimi deyirsən, sən istəyirsən başqa cür başa düşsünlər, amma onlar öz bildiyi kimi başa düşür”.
Nazir Emin Əmrullayev bu sözləri gülümsəyərək qarşılayıb. Zalda olan tələbələr isə dialoqu alqış və gülüşlə qarşılayıblar.
Tələbələrlə keçirilən görüşdə təhsil sahəsinə dair müxtəlif mövzular ətrafında fikir mübadiləsi aparılıb, iştirakçıları maraqlandıran suallar cavablandırılıb.
