Elpress.az xəbər verir ki, Rusiyanın aparıcı pivə istehsalçılarından olan “Baltika” şirkəti Azərbaycanda fəaliyyətini genişləndirmək istiqamətində növbəti addımını atıb. Şirkət iyunun 24-də Bakıda pivənin düzgün təqdimatı və müxtəlif yeməklərlə uyğunlaşdırılmasına həsr olunmuş xüsusi qastronomik tədbir təşkil edib.
Tədbirdə iştirakçılar “Baltika”nın pivə və alkoqolsuz məhsul çeşidləri ilə yaxından tanış olub, müxtəlif qəlyanaltılar, ət yeməkləri və desertlərlə pivənin uyğunlaşdırılması nəticəsində yaranan fərqli dad çalarlarını təcrübədən keçiriblər.
“Baltika” Pivə Şirkətinin İnkişaf və Effektivlik üzrə direktoru Vitali Şayxutdinov bildirib ki, şirkət pivə istehlakı mədəniyyətinin inkişafına xüsusi önəm verir:
“35 illik fəaliyyətimiz ərzində pivə istehsalı sahəsində zəngin təcrübə toplamışıq. İnanırıq ki, məsuliyyətli və ölçülü pivə istehlakı insanların qastronomik təcrübəsini daha da zənginləşdirə bilər. Bakıda bu mədəniyyətin inkişafına töhfə verməkdən məmnunuq”.
Şirkət Azərbaycanda məhsul çeşidini daha da genişləndirməyi planlaşdırır. Hazırda ölkəyə “Baltika” pivə xətti ilə yanaşı, “Kuler”, Blanche Bière və Old Bobby brendləri də ixrac edilir.
Qeyd edilib ki, 2024-cü ildən etibarən Rusiyada istehsal olunan “Baltika” məhsulları Azərbaycana rəsmi şəkildə tədarük olunur. Brendin ölkədə rəsmi idxalçısı və distribütoru olan “Azerish LTD” məhsulların bazardakı mövqeyinin möhkəmləndirilməsi, həmçinin pivə istehlakı mədəniyyətinin təşviqi istiqamətində fəaliyyət göstərir.
Şirkətin məlumatına görə, “Baltika” hazırda 8 pivə zavodu və 2 səməni istehsalı müəssisəsini idarə edir. Məhsul portfelinə 50-dən çox brend daxildir və şirkətin istehsalı beynəlxalq müsabiqələrdə 700-dən artıq mükafata layiq görülüb.
