Aysel Əlibəyli
02 Oktyabr 2026 · 15:30
1054 baxış
Ali Məhkəmənin sədri İnam Kərimov süni intellektin məhkəmə sistemində insan hakimlərin fəaliyyətini tam əvəz etməsinin mümkün olmadığını bildirib.
Elpress.az xəbər verir ki, İnam Kərimov süni intellektə “Sən hakimi əvəz edə bilərsənmi?” sualını verdiyini və aldığı cavabın da diqqətçəkən olduğunu deyib.
Onun sözlərinə görə, süni intellekt özü də hakimlik fəaliyyətini əvəz edə bilməyəcəyini bildirib.
İ.Kərimov vurğulayıb ki, hakimlik yalnız qanunların tətbiqindən ibarət deyil. Bu fəaliyyət zamanı ədalət və vicdan kimi insana xas dəyərlər də mühüm rol oynayır.
Ali Məhkəmənin sədrinin fikrincə, məhz bu amillər hakimlik fəaliyyətini süni intellektdən fərqləndirən əsas xüsusiyyətlərdəndir.
