“CyberHackCon 2026” kibertəhlükəsizlik üzrə mütəxəssisləri Bakıda bir araya gətirəcək
Elpress.az xəbər verir ki, Oktyabrın 27-də Bakıda ilk beynəlxalq etik haker konfransı – “CyberHackCon 2026” keçiriləcək.Tədbirdə etik hakerlər, kibertəhlükəsizlik üzrə tədqiqatçılar, “red team” mütəxəssisləri və müxtəlif ölkələrdən dəvət olunmuş sahə ekspertləri iştirak edəcəklər.Konfrans zamanı hücum təhlükəsizliyi, kritik infrastrukturun müdafiəsi, SCADA və ICS sistemlərinin qorunması, süni intellektdən istifadə etməklə formalaşan kibertəhdidlər, “dark web” kəşfiyyatı, kibergeosiyasət və EDR sistemlərindən yayınma üsulları əsas müzakirə mövzuları olacaq.Tədbirdə 20-dən çox beynəlxalq spikerin çıxış etməsi planlaşdırılır. Konfrans dövlət qurumlarında çalışan mütəxəssislər, şirkətlərin təhlükəsizlik rəhbərləri, kibertəhlükəsizlik tədqiqatçıları və bu istiqamətdə təhsil alan tələbələr üçün nəzərdə tutulub.
