Enerji obyektlərində yanğınlar baş verib, 73 nəfərin yaralandığı bildirilir
Elpress.az xəbər verir ki, Yəməndə fəaliyyət göstərən husilər Səudiyyə Ərəbistanının cənubunda yerləşən bir sıra enerji və iqtisadi obyektlərə hücumlar həyata keçirib.Sentyabrın 8-də səhər saatlarında baş verən hücumlar nəticəsində bəzi obyektlərdə yanğınlar qeydə alınıb və onların fəaliyyətində müvəqqəti fasilələr yaranıb. Xüsusi xidmətlər və operativ qruplar yanğınların söndürülməsi, obyektlərin təhlükəsizliyinin təmin edilməsi və ziyanın müəyyənləşdirilməsi üçün tədbirlər görür.Hücumlar nəticəsində yaralananların olduğu açıqlanıb. Səudiyyə Ərəbistanının rəhbərlik etdiyi koalisiyanın sözçüsü general Turki əl-Maliki bildirib ki, Əbhə, Xamis Muşayt, Cazan və Nəcran şəhərlərində mülki və iqtisadi obyektlərin hədəfə alınması nəticəsində qadın və uşaqların da daxil olduğu 73 mülki şəxs yaralanıb.Səudiyyə Ərəbistanının Xarici İşlər Nazirliyi hücumları pisləyərək, Qırmızı dənizdə ticarət gəmilərinə qarşı davam edən hücumların beynəlxalq dəniz daşımalarının təhlükəsizliyinə və azadlığına ciddi təhdid yaratdığını bildirib.Səudiyyə Ərəbistanı hakimiyyəti ölkənin suverenliyinin və əhalinin təhlükəsizliyinin qorunması üçün lazımi tədbirlərin görüləcəyini açıqlayıb.
