Vətən müharibəsindən bəri 433 nəfər mina qurbanı olub – XİBra beynəlxalq ictimaiyyətə çağırış etdi
Elpress.az xəbər verir ki, Azərbaycan Xarici İşlər Nazirliyinin rəsmi “X” hesabında paylaşılan məlumata görə, 2020-ci il Vətən müharibəsindən bu günə qədər Ermənistan tərəfindən torpaqların mina ilə çirkləndirilməsi nəticəsində 433 nəfər Azərbaycan vətəndaşı mina qurbanı olub.Son olaraq Ağdərə rayonu ərazisində baş verən mina partlayışında daha iki nəfərin ağır yaralanmasına diqqət çəkən nazirlik, minaların insan həyatı üçün böyük təhlükə yaratmağa davam etdiyini vurğulayıb. XİN bölgədə minalardan təmizlənmə əməliyyatlarının sürətləndirilməsi, dayanıqlı sülh və təhlükəsizliyin təmin olunması məqsədilə beynəlxalq ictimaiyyəti Azərbaycana daha böyük dəstək verməyə çağırıb.
