Aysel Əlibəyli
04 Noyabr 2026 · 19:42
1018 baxış
Xətai rayonundakı 7 saylı şəhər poliklinikasında rəhbərlik dəyişikliyi rəsmiləşib.
Elpress.az xəbər verir ki, TƏBİB-in icraçı direktoru vəzifəsini müvəqqəti icra edən Bahadur Rzayevin imzaladığı əmrə əsasən, Qələmzər Tağıyeva tibb müəssisəsinin baş həkimi təyin olunub.
Yeni rəhbər bundan əvvəl həmin poliklinikada baş həkimin müavini vəzifəsində çalışıb. O, bu ilin iyul ayından etibarən baş həkimin səlahiyyətlərini müvəqqəti icra edirdi.
Xatırladaq ki, poliklinikanın əvvəlki baş həkimi Şəlalə Səfərova iyul ayında vəzifəsindən azad edilmişdi.
Qeyd edək ki, 7 saylı şəhər poliklinikası paytaxtın iri tibb müəssisələrindən biridir.
