Azərbaycan və Özbəkistan arasında xüsusi dostluq münasibətləri mövcuddur.
Elpress.az xəbər verir ki, bunu Özbəkistan Prezident Administrasiyasının rəhbəri Səidə Mirziyoyeva Azərbaycan Prezidenti İlham Əliyevin Özbəkistana son səfərini şərh edərkən sosial şəbəkə hesabında yazıb.Mirziyoyeva qeyd edib ki, iki ölkəni yalnız dövlətlərarası əlaqələr deyil, xalqlar arasında səmimi münasibətlər də birləşdirir. O, Azərbaycan və Özbəkistanın tarix, mədəniyyət və adət-ənənələrində çoxsaylı ortaq cəhətlərin olduğunu vurğulayıb.Onun sözlərinə görə, son dövrdə bu əlaqələrə infrastruktur, investisiya və digər sahələrdə birgə layihələr də əlavə olunur.Səidə Mirziyoyeva bildirib ki, İlham Əliyevin Özbəkistana səfəri ikitərəfli münasibətlərdə daha bir mühüm səhifə açıb. O, imzalanan Əbədi Dostluq haqqında Müqavilənin iki ölkə arasındakı münasibətləri dəqiq ifadə etdiyini qeyd edib.“Azərbaycanlı dostlarımızı Özbəkistanda görməkdən məmnunuq. Sizi hər zaman gözləyən ölkəyə xoş gəlmisiniz”, – deyə Mirziyoyeva əlavə edib.
