Kamboca və Azərbaycan arasında ticarət əlaqələrinin genişləndirilməsi, yeni investisiya istiqamətlərinin müəyyənləşdirilməsi və şirkətlər arasında birbaşa əməkdaşlığın gücləndirilməsi müzakirə olunub.
Elpress.az xəbər verir ki, Kambocanın Baş naziri Hun Manet bu barədə Bakıda keçirilən Azərbaycan-Kamboca biznes forumunda danışıb.
Baş nazir bildirib ki, Azərbaycanın enerji, neft-kimya, logistika və rəqəmsal infrastruktur sahələrindəki imkanları Kambocanın istehsal, kənd təsərrüfatı və işçi qüvvəsi potensialı ilə uzlaşdırıla bilər. Onun fikrincə, bu üstünlüklərin birləşdirilməsi hər iki ölkənin biznes dairələri üçün yeni imkanlar yaradacaq.
Hun Manet iki ölkə arasında iqtisadi əməkdaşlığın hələ ilkin mərhələdə olduğunu vurğulayıb. O, ticarət olunan məhsul və xidmətlərin çeşidinin artırılmasını, biznes əlaqələrinin inkişafını və investisiya mühitinə dair məlumat mübadiləsinin gücləndirilməsini vacib hesab etdiyini bildirib.
