Prezident İlham Əliyev Xocavənddə sakinlərlə görüşü zamanı Qarabağ və Şərqi Zəngəzurda aparılan genişmiqyaslı quruculuq işlərindən danışıb.
Elpress.az xəbər verir ki , Prezident İlham Əliyev Xocavənd rayonunda Quzeyxırman və Güneyxırman kəndlərinə köçən sakinlərlə görüşündə Qarabağ və Şərqi Zəngəzurda həyata keçirilən bərpa və quruculuq işlərinin qürurverici olduğunu bildirib.Dövlət başçısı qeyd edib ki, hər dəfə bu bölgələrə səfər edərkən görülən işlər və əldə olunan inkişaf onu sevindirir. Onun sözlərinə görə, bu mənzərə Azərbaycan xalqının qurub-yaradan və zəhmətkeş xalq olduğunu bir daha nümayiş etdirir.Prezident İlham Əliyev vurğulayıb ki, Qarabağ və Şərqi Zəngəzurun əsl sahibləri Azərbaycan xalqıdır və bu həqiqət artıq beynəlxalq səviyyədə də qəbul edilir. Dövlət başçısı bildirib ki, bəzi dairələr bunu istəməsələr belə, Azərbaycanın ortaya qoyduğu reallıqları qəbul etməyə məcbur qalıblar.
