Aysel Əlibəyli
23 İyul 2026 · 13:59
1080 baxış
Moped sürücülük vəsiqəsi üçün imtahanın dövlət rüsumu 40 manat müəyyən edilib
Elpress.az xəbər verir ki, Prezident İlham Əliyev “Dövlət rüsumu haqqında” qanuna edilən dəyişiklikləri təsdiqləyib. Dəyişikliyə əsasən, mopedlərin idarə olunmasına sürücülük vəsiqəsinin verilməsi üçün keçirilən imtahanın dövlət rüsumu 40 manat təşkil edəcək. Təkrar imtahan üçün isə 20 manat rüsum ödəniləcək.
Bundan əlavə, mopedlərin texniki baxışına görə 15 manat, qeydiyyatına görə 10 manat, dövlət qeydiyyat nişanlarının verilməsinə görə 15 manat, sürücülük vəsiqəsinin verilməsi və ya dəyişdirilməsi, eləcə də qeydiyyat şəhadətnaməsinin verilməsi üçün isə ayrı-ayrılıqda 30 manat dövlət rüsumu müəyyən olunub.
