Azərbaycanın xarici işlər naziri Ceyhun Bayramov bu gün United Kingdomın ölkəmizə yeni təyin olunmuş fövqəladə və səlahiyyətli səfiri Duncan Normani qəbul edib.
Elpress.az-ın Qafqazinfo.az-a istinadən verdiyi məlumata əsasən, Bildirilib ki, görüş zamanı səfir Norman etimadnaməsinin surətini xarici işlər naziri Ceyhun Bayramova təqdim edib.Nazir yeni təyinat münasibətilə səfiri təbrik edib, onun Azərbaycandakı diplomatik fəaliyyətində uğurlar arzulayıb.Görüşdə Azərbaycan ilə United Kingdom arasında mövcud münasibətlər, onların inkişaf perspektivləri və regional, eləcə də beynəlxalq əhəmiyyət daşıyan məsələlər ətrafında fikir mübadiləsi aparılıb.Tərəflər iki ölkə arasında siyasi, iqtisadi, enerji, ticarət, investisiya, təhsil və digər sahələrdə əməkdaşlığın uğurla davam etdiyini məmnunluqla vurğulayıblar.Eyni zamanda, münasibətlərin strateji tərəfdaşlıq səviyyəsinə yüksəldilməsi, yüksək səviyyəli təmasların və iqtisadi əlaqələrin daha da genişləndirilməsinin vacibliyi qeyd olunub.Nazir Ceyhun Bayramov bölgədəki mövcud vəziyyət, postmünaqişə dövründə yaranmış reallıqlar, həmçinin Azərbaycan–Ermənistan normallaşma prosesi və ölkəmizin bu istiqamətdə atdığı addımlar barədə qarşı tərəfə geniş məlumat verib.Səfir Duncan Norman Azərbaycanda fəaliyyətə başlamasından məmnunluğunu ifadə edib və ölkələr arasında əməkdaşlığın daha da inkişafı üçün səylərini davam etdirəcəyini bildirib.Görüşdə həmçinin digər qarşılıqlı maraq doğuran məsələlər də müzakirə edilib.
