Elşən
24 Aprel 2026 · 09:46
28 baxış
İranın prezidenti Məsud Pezeşkian və parlament sədri Məhəmməd Bager Qalibaf ölkədə milli həmrəyliyin möhkəm şəkildə qorunduğunu, cəmiyyətdə heç bir parçalanma olmadığını bəyan ediblər.
Elpress.az APA-ya istinadən xəbər verir ki, onların “X” sosial platformasında paylaşdıqları ortaq açıqlamada bildirilib ki, ölkədə radikal və ya mülayim kimi ayrı-seçkilik yoxdur və bütün vətəndaşlar vahid mövqedən çıxış edir.
Açıqlamada həmçinin vurğulanıb ki, dövlət və xalq “dəmir iradə” ilə hərəkət edir və ali liderə sadiqlik nümayiş etdirir.
Rəsmi şəxslər əlavə ediblər ki, mövcud təhdidlərə baxmayaraq, İran cəmiyyəti qələbə əzmi ilə birləşib və bu istiqamətdə tam birlik içindədir.
