Aysel Əlibəyli
06 Avqust 2026 · 12:13
1038 baxış
Azərbaycanın xarici işlər naziri Ceyhun Bayramovun Ukraynaya rəsmi səfəri çərçivəsində Kiyevdə Ukrayna istehsalı olan pilotsuz uçuş aparatlarının (PUA) sərgisi ilə tanışlığı baş tutub.
Elpress.az xəbər verir ki, bu barədə Azərbaycan Xarici İşlər Nazirliyi məlumat yayıb.Bildirilib ki, Ukraynanın xarici işlər naziri Andrey Sibiqa Ceyhun Bayramovu Ukrayna Xarici İşlər Nazirliyində rəsmi qarşılayıb. Qarşılanma mərasimindən sonra hər iki nazir Ukraynada istehsal edilən pilotsuz uçuş aparatlarının nümayiş olunduğu sərgiyə baxış keçiriblər.
Qeyd edək ki, Ceyhun Bayramovun Ukraynaya səfəri çərçivəsində ikitərəfli münasibətlər, regional və beynəlxalq gündəmdə duran məsələlərin müzakirəsi nəzərdə tutulur.
