İyunun 19-da Milli Məclisin növbəti iclası keçirilir. İclasın gündəliyinə ümumilikdə 14 məsələ daxil edilib.
Elpress.az-ın Azərtac.az-a istinadən verdiyi məlumata əsasən, Deputatlar iclas zamanı dövlət büdcəsinin icrası, Gömrük Məcəlləsinə dəyişikliklər, dövlət qulluğu, media, nəqliyyat, yol hərəkəti, təhsil, cinayət-prosessual qanunvericilik və digər sahələrlə bağlı qanun layihələrini müzakirə edəcəklər.Gündəliyə daxil edilən məsələlər arasında “Azərbaycan Respublikasının 2025-ci il dövlət büdcəsinin icrası haqqında” qanun layihəsi, müxtəlif məcəllələrə dəyişikliklər, beynəlxalq sazişlərin təsdiqi, eləcə də sosial müdafiə və mənzil məsələləri ilə bağlı qanun layihələri yer alıb.İclas çərçivəsində bəzi sənədlərin ikinci və üçüncü oxunuşda, bir sıra qanun layihələrinin isə birinci oxunuşda müzakirəsi nəzərdə tutulur.
