Azərbaycan Ordusunda hərbi qulluqçuların peşəkarlıq səviyyəsinin artırılması məqsədilə növbəti sınaq imtahanlarına start verilib.
Elpress.az xəbər verir ki, bu barədə Müdafiə Nazirliyi məlumat yayıb. Bildirilib ki, müdafiə nazirinin 2026-cı il üçün təsdiq etdiyi hazırlıq planına uyğun olaraq keçirilən imtahanların məqsədi hərbi qulluqçuların məharət dərəcələrinin müəyyən edilməsidir.İmtahanlar zamanı hərbi qulluqçuların ixtisas hazırlığı, fiziki hazırlığı, eləcə də xidməti fəaliyyətləri ilə bağlı digər nəzəri və praktiki bacarıqları qiymətləndirilir.
Qeyd olunub ki, sınaq imtahanlarının keçirilməsində əsas məqsəd şəxsi heyətin peşəkarlıq səviyyəsinin artırılması, bilik və bacarıqlarının qiymətləndirilməsi, həmçinin döyüş hazırlığının daha da yüksəldilməsidir.
