“Kızılcık Şerbeti” serialında rol alan tanınmış aktyor Ahmet Mümtaz Taylan psixoloji sağlamlığı ilə bağlı səmimi açıqlaması ilə gündəmə gəlib.
Elpress.az xəbər verir ki, aktyor Ceren Benderlioğlunun təqdim etdiyi “Dile Kolay” proqramında artıq 20 ildir psixiatr nəzarətində müalicə aldığını bildirib.
Ahmet Mümtaz Taylan deyib ki, həyatının müəyyən mərhələlərində depressiya ilə təkbaşına mübarizə aparmağa çalışsa da, bunun çıxış yolu olmadığını sonradan anlayıb. Onun sözlərinə görə, peşəkar psixoloji dəstək almaq həyatında mühüm dönüş nöqtəsi olub.
Aktyor psixoloji problemlərlə üzləşən insanlara da çağırış edərək, belə vəziyyətlərdə utanmadan mütəxəssisə müraciət etməyin vacibliyini vurğulayıb.
Taylanın səmimi etirafı sosial şəbəkələrdə geniş rezonans doğurub. İzləyicilər onun açıqlamasını cəsarətli addım kimi qiymətləndirərək dəstək mesajları paylaşıblar.
