Xankəndidə videoçarx nümayiş etdirilib və konsert proqramı keçirilib
Elpress.az xəbər verir ki, Xankəndidə Xankəndi, Xocalı və Ağdərə şəhərləri günlərinə həsr olunan tədbir keçirilib.Tədbirin əvvəlində iştirakçılara üç şəhərin tarixinə və bu gününə həsr olunmuş videoçarx nümayiş etdirilib.Daha sonra Azərbaycanın tanınmış mədəniyyət və incəsənət nümayəndələrinin iştirakı ilə konsert proqramı təqdim olunub. Xalq artistləri və tanınmış müğənnilər müxtəlif musiqi əsərlərini səsləndirib. İfa olunan mahnılar tamaşaçılar tərəfindən alqışlarla qarşılanıb.Tədbirdə TÜRKSOY-un Baş katibi Sultan Raev, Prezidentin Xankəndi şəhərində, Ağdərə və Xocalı rayonlarında xüsusi nümayəndəsinin müavini Səbuhi Qəhrəmanov, Mədəniyyət Nazirliyinin Beynəlxalq əlaqələr şöbəsinin müdiri Fərrux Cumayev və digər qonaqlar iştirak ediblər.Tədbirin sonunda bayram münasibətilə atəşfəşanlığın keçirilməsi nəzərdə tutulub.
