Aysel Əlibəyli
04 Noyabr 2026 · 22:43
1034 baxış
Bakının Qaradağ rayonunda yerləşən iki qəsəbədə yol təmiri ilə əlaqədar nəqliyyatın hərəkətində müvəqqəti dəyişiklik ediləcək. Sürücülərə səfərlərini planlaşdırarkən bu məhdudiyyətləri nəzərə almaq tövsiyə olunur.
Elpress.az xəbər verir ki, noyabrın 5-i saat 08:00-dan etibarən Ələt və Səngəçal qəsəbələrində təmir işlərinə başlanılacaq.
Azərbaycan Avtomobil Yolları Dövlət Agentliyinin (AAYDA) məlumatına görə, işlər aparılan müddətdə sözügedən ərazilərdə avtomobillərin hərəkəti qismən məhdudlaşdırılacaq.
Qurum sürücüləri yollarda quraşdırılan nişanlara diqqət yetirməyə, hərəkət qaydalarına əməl etməyə və təmir zonalarından keçərkən ehtiyatlı olmağa çağırıb.
