Habil Bağırov həyat yoldaşını 11 yaşlı qızının gözü qarşısında qətlə yetirib
Elpress.az xəbər verir ki, Sumqayıtda həyat yoldaşını küçənin ortasında öldürməkdə təqsirləndirilən Habil Bağırovun cinayət işi üzrə məhkəmə araşdırması başa çatıb.Sumqayıt Ağır Cinayətlər Məhkəməsinin hökmü ilə Bağırov xüsusi amansızlıqla adam öldürməkdə təqsirli bilinərək 16 il müddətinə azadlıqdan məhrum edilib.Məhkəmədə təqsirləndirilən şəxs ittihamı qəbul edib və həyat yoldaşı Aygünü öldürdüyünə görə peşman olduğunu bildirib. Onun sözlərinə görə, cütlük 19 il əvvəl ailə həyatı qurub və nikahdan iki övladları dünyaya gəlib.Bağırov ifadəsində münasibətlərində problemlərin Aygünün restoranda işləməyə başlamasından sonra yarandığını deyib. Ailə daxilindəki münaqişələrin getdikcə kəskinləşdiyini bildirən təqsirləndirilən şəxs daha sonra həyat yoldaşını öldürmək qərarına gəldiyini etiraf edib.İstintaq materiallarına əsasən, Bağırov Aygünü küçənin ortasında, onların 11 yaşlı qızının gözü qarşısında 17 bıçaq zərbəsi endirməklə qətlə yetirib.Hadisənin şahidi olan qız ilkin ifadəsində atasının anasını bıçaqladığını bildirməsə də, məhkəmə prosesində hadisə barədə həqiqəti açıqlayıb.Toplanmış sübutlar əsasında Habil Bağırov xüsusi amansızlıqla adam öldürməkdə təqsirli bilinərək 16 il müddətinə həbs cəzasına məhkum edilib.
