Alim 2020-ci il Vətən müharibəsi və 2023-cü il antiterror tədbirlərinin əhəmiyyətini vurğulayıb
Elpress.az xəbər verir ki, Elm və Təhsil Nazirliyinin Riyaziyyat İnstitutunun Bərk Cisim Mexanikası laboratoriyasının müdiri, mexanika üzrə fəlsəfə doktoru, dosent Emin Bağırov 20 Sentyabrın Azərbaycanın dövlətçilik tarixindəki əhəmiyyətindən danışıb.Emin Bağırov bildirib ki, bu tarix Azərbaycanın ərazi bütövlüyünün və dövlət suverenliyinin tam bərpası ilə bağlı mühüm tarixi mərhələ kimi yadda qalıb. Onun sözlərinə görə, 20 Sentyabr gələcək nəsillərə milli birlik, dövlət iradəsi və Vətən sevgisini əks etdirən tarixi hadisə kimi ötürüləcək.O qeyd edib ki, Azərbaycan uzun illər ərzində münaqişənin sülh və danışıqlar yolu ilə həllinə çalışıb. Lakin qarşı tərəfin mövqeyi və yaranmış vəziyyət nəticəsində 2020-ci ildə Vətən müharibəsi başlayıb. 44 günlük müharibənin Azərbaycanın ərazi bütövlüyünün bərpası istiqamətində mühüm mərhələ olduğu vurğulanıb.Emin Bağırovun sözlərinə görə, 2023-cü ildə Azərbaycan ərazisində qanunsuz silahlı birləşmələrin fəaliyyətinə son qoyulması və konstitusion quruluşun bərpası məqsədilə antiterror tədbirləri həyata keçirilib. Onun bildirdiyinə görə, 24 saat davam edən əməliyyat nəticəsində Azərbaycanın bütün ərazisində dövlət suverenliyi təmin edilib.Alim bu prosesdə siyasi iradə, xalqın həmrəyliyi və Azərbaycan Ordusunun rolunu xüsusi qeyd edib. O bildirib ki, 2020-ci il Vətən müharibəsi və 2023-cü il antiterror tədbirləri Azərbaycanın milli maraqlarını və ərazi bütövlüyünü qorumaq əzmini nümayiş etdirib.Emin Bağırov qeyd edib ki, 20 Sentyabr Azərbaycanın ərazi bütövlüyü və suverenliyinin tam bərpasını təsdiqləyən gün kimi ölkənin müstəqillik tarixində xüsusi yer tutur. Onun sözlərinə görə, bu tarix Azərbaycanın gələcək inkişafı baxımından da mühüm siyasi əhəmiyyət daşıyır.
