Qax şəhərindəki “İçəribazar” kompleksində “Oxu, Qax” devizi altında Birinci Qax Kitab Sərgisinin açılışı olub.
İki gün davam edəcək sərgi Azərbaycan Nəşriyyatları Assosiasiyasının (ANAİB) təşkilatçılığı və bir sıra yerli qurumların tərəfdaşlığı ilə keçirilir. ELPRESS.az Azərtac-a istinadən xəbər verirki Tədbir çərçivəsində nəşriyyat stendləri, yeni kitab təqdimatları, tanınmış yazarların imza saatları, uşaqlar üçün əyləncəli və maarifləndirici proqramlar, eləcə də konsertlər təşkil olunur.Açılış mərasimində çıxış edən rəsmilər və təşkilatçılar kitabın cəmiyyətin intellektual inkişafında mühüm rol oynadığını vurğulayıblar. Bildirilib ki, ANAİB son beş ildə ölkənin 30-a yaxın şəhər və rayonunda kitab sərgiləri təşkil edib.Sərgidə 30-dan çox nəşriyyat iştirak edir, 5 mindən artıq kitab nümayiş və satışa çıxarılıb. Oxuculara kitablar 30-50 faiz güzəştlə təklif olunur. Tədbirdə həmçinin 10 yazıçı iştirak edir və kitabsevərlərlə görüşlər keçirir.Təşkilatçılar Birinci Qax Kitab Sərgisinin gələcək illərdə də ənənəvi olaraq davam etdiriləcəyini bildiriblər.
