“Şuşada bir gün” proqramında sərgi, master-klas və ekskursiyalar təşkil olunub
Elpress.az xəbər verir ki, Əmək və Əhalinin Sosial Müdafiəsi Nazirliyinin tabeliyində fəaliyyət göstərən DOST İnklüziv İnkişaf və Yaradıcılıq Mərkəzinin Qarabağ DOST Evi şöbəsi və “Regional İnkişaf” İctimai Birliyinin birgə təşkilatçılığı ilə Şuşada “Şuşada bir gün” adlı tədbir keçirilib.Şuşa Şəhəri Dövlət Qoruğu İdarəsinin dəstəyi ilə keçirilən tədbirdə Qarabağ DOST Evinin həssas kateqoriyalardan olan benefisiarları, onların valideynləri və “Regional İnkişaf” İctimai Birliyinin könüllüləri iştirak ediblər.Proqram çərçivəsində uşaq və gənclərin hazırladığı əl işlərindən ibarət sərgi nümayiş etdirilib. İştirakçılar təsviri incəsənət, bədii oyma, toxuma və tikmə üzrə təşkil olunan master-klaslara qatılaraq müxtəlif praktiki bacarıqlar əldə ediblər.Tədbirin davamında Üzeyir Hacıbəylinin ev-muzeyinə və Azərbaycan Milli Xalça Muzeyinin Şuşa filialına ekskursiyalar təşkil olunub. Həmçinin iştirakçılar Şuşanın mərkəzi meydanı ilə tanış olmaq məqsədilə infoturda iştirak ediblər.Proqramın sonunda “Regional İnkişaf” İctimai Birliyinin könüllüləri tərəfindən tədbir iştirakçılarına xatirə hədiyyələri təqdim olunub.
