Aysel Əlibəyli
25 İyul 2026 · 14:46
1008 baxış
Azərbaycan mədəniyyətinin dünyada tanıdılmasına mühüm töhfələr vermiş İan Peart dünyasını dəyişib.
Elpress.az xəbər verir ki, Azərbaycan mədəniyyətinin xaricdə tanıdılması istiqamətində uzun illər fəaliyyət göstərən İan Peart vəfat edib. Bu barədə “Qanun” Nəşrlər Evinin rəhbəri Şahbaz Xuduoğlu məlumat verib.
Bildirilib ki, İan Peart ömrünün təxminən 30 ilini Azərbaycan ədəbiyyatı və mədəniyyətinin beynəlxalq aləmdə təbliğinə həsr edib. O, tərcümə etdiyi kitablar, yazdığı məqalələr və həyata keçirdiyi layihələrlə bu sahəyə mühüm töhfələr verib.
Şahbaz Xuduoğlu mərhumun ailəsinə və yaxınlarına başsağlığı verərək, İan Peartın xatirəsinin Azərbaycan mədəniyyətinə göstərdiyi xidmətlərlə daim yaşayacağını bildirib.
