Aysel Əlibəyli
25 İyul 2026 · 17:59
1092 baxış
Suriyada iki avtobusun iştirakı ilə baş verən ağır yol-nəqliyyat hadisəsi çoxsaylı insan itkisi ilə nəticələnib.
Elpress.az xəbər verir ki, ölkənin paytaxtı Dəməşqi Deyr-əz-Zor vilayəti ilə birləşdirən magistral yolda mülki avtobusla Daxili İşlər Nazirliyinə məxsus avtobus toqquşub.İlkin məlumata görə, qəza nəticəsində azı 35 nəfər ölüb, çox sayda insan isə müxtəlif dərəcəli xəsarətlər alıb.
Yaralıların xəstəxanalara çatdırılması və hadisə yerində axtarış-xilasetmə işləri davam etdirilir.Bildirilib ki, xilasetmə əməliyyatlarına yerüstü qüvvələrlə yanaşı, Suriya hərbi helikopterləri də cəlb olunub.
Hadisənin hansı səbəbdən baş verdiyi hələlik rəsmi şəkildə açıqlanmayıb. Faktla bağlı araşdırma aparılır.
