XİN rəhbəri ABŞ-ın Azərbaycanı layihə üzrə mütəmadi məlumatlandırdığını bildirib
Elpress.az xəbər verir ki, Xarici işlər naziri Ceyhun Bayramov TRIPP layihəsinin həyata keçirilməsində Azərbaycanın iştirakının vacib olduğunu bildirib.Nazirin sözlərinə görə, layihə üzrə müxtəlif tərəflər iştirak etsə də, əsas danışıqlar Ermənistan və ABŞ arasında aparılır. O qeyd edib ki, ABŞ-dakı tərəfdaşlar Azərbaycanı proseslə bağlı mütəmadi məlumatlandırırlar.Ceyhun Bayramov bildirib ki, Azərbaycanın iştirakı olmadan TRIPP layihəsinin reallaşdırılması mümkün deyil. Hazırda layihə üzrə işlərin davam etdirildiyi, fiziki işlərə isə 2027-ci ildə başlanmasının nəzərdə tutulduğu diqqətə çatdırılıb.XİN rəhbəri layihənin mümkün qədər tez həyata keçirilməsinin bütün region üçün faydalı olacağını vurğulayıb. Onun sözlərinə görə, TRIPP yalnız Azərbaycan üçün deyil, Ermənistan və digər regional dövlətlər üçün də iqtisadi və nəqliyyat baxımından əhəmiyyət daşıyır.Bayramov əlavə edib ki, Azərbaycan layihə çərçivəsində üzərinə düşən işləri davam etdirir. Bu işlərə Ermənistan sərhədi istiqamətində dəmir yolu və avtomobil yollarının inşası ilə bağlı tədbirlər də daxildir.
