Sentyabrın 10-da paytaxtda fasilələrlə yağış və şimşək gözlənilir
Elpress.az xəbər verir ki, Sentyabrın 10-da Bakı və Abşeron yarımadasında hava şəraitinin dəyişkən buludlu olacağı, gün ərzində arabir tutulacağı gözlənilir.Günün birinci yarısında yarımadanın bəzi ərazilərində fasilələrlə yağış yağacağı, ayrı-ayrı yerlərdə isə qısamüddətli şimşək çaxacağı ehtimal olunur. Şimal-qərb küləyinin əsəcəyi bildirilir.Paytaxtda temperaturun gecə 15-19°, gündüz isə 24-27° isti olacağı proqnozlaşdırılır.Ölkənin rayonlarında havanın əsasən yağmursuz keçəcəyi gözlənilsə də, gündüz bəzi ərazilərdə qısamüddətli leysan xarakterli yağış və şimşək ehtimalı var. Dağlıq ərazilərdə gecə və səhər saatlarında arabir duman müşahidə oluna bilər.Rayonlarda temperaturun gecə 13-17°, gündüz 25-29°, dağlıq ərazilərdə isə gecə 6-11°, gündüz 15-20° isti olacağı gözlənilir.
