Xalq artistinin müalicəsi xəstəxananın terapiya şöbəsində davam etdirilir
Elpress.az xəbər verir ki, Xalq artisti Zaur Rzayev səhhətində yaranan problemlərlə əlaqədar Mərkəzi Neftçilər Xəstəxanasına yerləşdirilib.1952-ci il təvəllüdlü sənətçi sentyabrın 5-də axşam saatlarında xəstəxananın qəbul şöbəsinə hospitalizasiya olunub. Ona qaraciyər sirrozunun dekompensasiya mərhələsi, assit və qaraciyər ensefalopatiyası diaqnozları təyin edilib.Tibbi müdaxilələr və reanimasiya tədbirlərindən sonra sənətçinin vəziyyətində stabilləşmə müşahidə olunub. Hazırda onun müalicəsi terapiya şöbəsində davam etdirilir.Xəstəxana rəhbərliyinin məlumatına görə, Zaur Rzayev palata şəraitində müalicə alır və vəziyyəti qənaətbəxşdir. Onun bir neçə gün ərzində evə buraxılması gözlənilir.
