Lyanyunqan limanı Bakı Limanı ilə əməkdaşlığı genişləndirmək niyyətindədir
Elpress.az xəbər verir ki, Çinin Lyanyunqan limanının nümayəndəsi Bakı Limanının Avropa ilə nəqliyyat əlaqələrində mühüm rol oynadığını və böyük inkişaf imkanlarına malik olduğunu bildirib.Lyanyunqan limanının xarici əlaqələr üzrə vitse-prezidenti Jiang Vei qeyd edib ki, iki liman arasında əməkdaşlıq 2018-ci ildən etibarən davam edir və son illərdə bu tərəfdaşlıq daha da genişlənib.Onun sözlərinə görə, 2024-cü ildə Transxəzər daşımaları ilə bağlı çərçivə sazişinin imzalanması əməkdaşlığın inkişafında mühüm mərhələ olub. 2025-ci ildə isə tərəflər arasında danışıqların intensivləşdirilməsi və əməkdaşlığın daha ətraflı istiqamətlər üzrə genişləndirilməsi davam etdirilib.Jiang Vei “Azərbaycan Dəmir Yolları” QSC və Bakı Limanı ilə əməkdaşlığa xüsusi əhəmiyyət verdiklərini vurğulayıb. O bildirib ki, Azərbaycan tərəfi ilə görüşlər zamanı nəqliyyat və logistika sahəsində qarşılıqlı maraq doğuran məsələlər müzakirə edilib.Çinli rəsmiyə görə, Bakı Limanının Xəzər dənizinin qərb sahilində yerləşməsi onun Avropa istiqamətində daşımalar üçün əhəmiyyətini daha da artırır.
