Kamçatka və Kuzbassda ayı təhlükəsi ilə əlaqədar yüksək hazırlıq rejimi tətbiq olunub
Elpress.az xəbər verir ki, Rusiyanın bir sıra bölgələrində ayıların yaşayış məntəqələrinə yaxınlaşması və insanlara hücum hallarının artması ilə əlaqədar təhlükəsizlik tədbirləri gücləndirilib.Kamçatka diyarının Petropavlovsk-Kamçatski şəhərində ayı hücumları nəticəsində yarana biləcək təhlükələrin qarşısının alınması məqsədilə sentyabrın 9-dan yüksək hazırlıq rejimi elan edilib.Kemerovo vilayətinin də bir neçə yaşayış məntəqəsində analoji qərar qəbul olunub. Kaltanski, Osinnikovski və Prokopyevsk şəhərləri ilə yanaşı, Taştaqolski və Mejdureçenski rayonlarında da yüksək hazırlıq rejimi tətbiq edilib.Bölgədə ayıların insanlara hücum etdiyi hallar da qeydə alınıb. Avqust ayında Mejdureçensk yaxınlığında ayının kişiyə hücum edərək onu yaraladığı, Novokuznetsk ətrafında isə başqa bir ayının təqaüdçüyə xəsarət yetirdiyi bildirilib. Sonuncu heyvan polis əməkdaşı tərəfindən zərərsizləşdirilib.İlin əvvəlindən Kemerovo vilayətində ayılarla bağlı Vahid Dispetçer Xidmətinə 52 müraciət daxil olub və onların 44-ü təsdiqlənib. Bu müddətdə 11 ayı ovçular tərəfindən vurulub.Avqustdan etibarən Buryatiya, Saxalin, Xakasiya, Tuva və Altay respublikaları, eləcə də Krasnoyarsk diyarında da ayıların iştirakı ilə bağlı hadisələrin sayında artım müşahidə olunur. Ayı hücumları nəticəsində həmin dövrdə azı üç nəfərin öldüyü bildirilir.
