Yazar Əli Hacı yeni şeirini sosial şəbəkə hesabında oxucuları ilə bölüşüb.
Elpress.az olaraq müəllifin “Qapım açıq qalıb, gətir qəmini…” adlı yeni şeirini təqdim edirik.
Qapım açıq qalib,göndər qəmini
Gözdən işıq verim,qəlbdən sevgimi !
Ona süfrə açıb göz yaşlarımdan,
Saxlayım vüsala yetənə kimi !
Sözü vərəq-vərəq biçib əyninə,
Şərab da içərəm könlün almağa !
Ona unutdurub gəldiyi yeri,
Onu yaşadaram vətən olmağa !
Ver,qonşu uşağa məktub gətirsin,
Ya havadan göndər,ya özün gətir !
Sənin ki,üzünə qapım açıqdı,
Dur, qəmin adına özünü gətir !
Yollarda izini itirib daha,
İzində ot bitib,qəlbində nifrət !
Xərclənib bitmişəm,vaxt yox,yol salam
Məni istəyinə bulayıb həyat !
Adın isti qalıb,qaldığı yerdə
Özünsə Ay batıb,uzaq getmisən !
Qapım açıq qalıb,gətir qəmini
Sevinim,nə gözəl pay gətirmisən !
