“Daşlara həkk olunan tale: Əcəmi Naxçıvani” ekran əsəri post-prodakşn mərhələsinə keçib
Elpress.az xəbər verir ki, Məşhur memar Əcəmi Naxçıvaninin həyat və yaradıcılığına həsr olunan “Daşlara həkk olunan tale: Əcəmi Naxçıvani” bədii-sənədli filminin çəkiliş prosesi başa çatıb.Azərbaycan Respublikasının Kino Agentliyindən verilən məlumata görə, ekran əsəri Əcəmi Naxçıvaninin 900 illik yubileyi münasibətilə dövlət sifarişi əsasında hazırlanır. Filmin istehsalı “Şahdağ Film” və Cəfər Cabbarlı adına “Azərbaycanfilm” Kinostudiyası tərəfindən birgə həyata keçirilir.Ekran əsərinin son çəkilişləri ötən günlərdə baş tutub. Filmin çəkiliş məkanları sırasında “Azərbaycanfilm” Kinostudiyası, Gəncə şəhəri, Qaradağ rayonu və “İçərişəhər” Dövlət Tarix-Memarlıq Qoruğu İdarəsinin ərazisi yer alıb.Hazırda layihə post-prodakşn mərhələsindədir. Bu mərhələdə filmin montajı, səs yazısı və digər texniki işlər həyata keçirilir. Müvafiq proseslər yekunlaşdıqdan sonra filmin geniş tamaşaçı auditoriyasına təqdim edilməsi planlaşdırılır.
