Hikmət Mustafayev Aparat rəhbəri, Mustafa Abbasbəyli isə nazir müşaviri təyin edilib
Elpress.az xəbər verir ki, Azərbaycan Mədəniyyət Nazirliyinin Aparatında yeni kadr dəyişiklikləri həyata keçirilib.Nazirlikdən verilən məlumata görə, mədəniyyət naziri Adil Kərimlinin imzaladığı müvafiq əmrlə Hikmət Mövlud oğlu Mustafayev Mədəniyyət Nazirliyi Aparatının rəhbəri vəzifəsinə təyin olunub.1997-ci ildən dövlət qulluğunda çalışan Hikmət Mustafayev müxtəlif illərdə Dövlət Əmlak Komitəsi, İqtisadi İnkişaf Nazirliyi və Əmlak Məsələləri Dövlət Komitəsində məsul və rəhbər vəzifələrdə fəaliyyət göstərib. Son təyinatından əvvəl isə Heydər Əliyev Mərkəzi direktorunun müşaviri olub.Qeyd edək ki, Aparat rəhbəri vəzifəsini daha əvvəl Mustafa Abbasbəyli icra edib. Nazir Adil Kərimlinin digər əmri ilə Mustafa Abbasbəyli Mədəniyyət Nazirinin müşaviri vəzifəsinə təyin olunub.Xatırladaq ki, cari ilin əvvəlində nazir müşaviri vəzifəsində çalışan Oleq Əmirbəyov Azərbaycan Dövlət Akademik Rus Dram Teatrının direktoru təyin edilib.
