Elpress.az xəbər verir ki, “Yaşıl Teatr” Bakı Konsert Kompleksi və Bakı Şəhər Bələdiyyə Teatrının tabeliyində dəyişiklik edilib.
Nazirlər Kabinetinin qərarına əsasən, Bakı Şəhər İcra Hakimiyyətinin tabeliyində fəaliyyət göstərən hər iki müəssisə bütün əmlakı ilə birlikdə Azərbaycan Respublikasının Mədəniyyət Nazirliyinin tabeliyinə keçirilib.
Qərarı Baş nazir Əli Əsədov imzalayıb.
Sənədə əsasən, qərardan irəli gələn məsələlərin qanunvericiliyə uyğun şəkildə həlli İqtisadiyyat və Mədəniyyət nazirliklərinə, həmçinin Bakı Şəhər İcra Hakimiyyətinə həvalə olunub.
Qeyd edək ki, qərar Prezident İlham Əliyevin iyunun 10-da Bakı Şəhər İcra Hakimiyyətinin strukturunun və idarə edilməsinin təkmilləşdirilməsi ilə bağlı imzaladığı fərmanın icrası çərçivəsində qəbul edilib.
“Yaşıl Teatr” və Bakı Şəhər Bələdiyyə Teatrı Mədəniyyət Nazirliyinin tabeliyinə verilib
Aysel Əlibəyli
09 Sentyabr 2026 · 19:37
1058 baxış
