Muğam bilicisi Aqil Məlikov ürək əməliyyatına hazırlanır
Elpress.az xəbər verir ki, Əməkdar incəsənət xadimi, muğam sənətinin tanınmış nümayəndəsi Aqil Məlikov səhhətində yaranan ciddi problemlərlə əlaqədar xəstəxanaya yerləşdirilib.Məlumata görə, Prezidentin fərdi təqaüdçüsü olan sənətkar hazırda Bakıda yerləşən özəl tibb müəssisələrindən birində həkim nəzarətində müalicə olunur. Onun vəziyyətinin ağır olduğu bildirilir.Aqil Məlikovun ürəyi ilə bağlı tibbi müdaxiləyə ehtiyac yarandığı və yaxın günlərdə əməliyyat olunmasının planlaşdırıldığı qeyd edilir. Hazırda sənətkara zəruri tibbi prosedurlar tətbiq olunur.Aqil Məlikov uzun illərdir Azərbaycan Milli Konservatoriyasında pedaqoji fəaliyyət göstərir. O, həmçinin muğam sənətinin öyrənilməsi və milli musiqi irsinin yaşadılması istiqamətində fəaliyyəti ilə tanınır.
