Bakıda yağmursuz hava, bölgələrdə isə leysan və dolu ehtimalı var
Elpress.az xəbər verir ki, Avqustun 29-da Azərbaycanda hava şəraitinin əsasən yağmursuz keçəcəyi gözlənilir.Milli Hidrometeorologiya Xidmətinin məlumatına görə, paytaxt Bakı və Abşeron yarımadasında dəyişkən buludlu hava hökm sürəcək. Gün ərzində yağıntı ehtimalı azdır. Şimal-qərb küləyinin arabir güclənəcəyi bildirilir. Bakıda və Abşeronda gecə temperaturu 21-25°, gündüz isə 28-31° isti olacaq. Nisbi rütubət gecə 60-70%, gündüz 50-55% təşkil edəcək.Ölkənin rayonlarında da havanın əsasən yağmursuz keçəcəyi proqnozlaşdırılır. Bununla yanaşı, bəzi dağlıq və dağətəyi ərazilərdə fasilələrlə yağış yağacağı, gecə və axşam saatlarında ayrı-ayrı yerlərdə qısamüddətli intensiv leysan, şimşək və dolu müşahidə oluna biləcəyi ehtimal edilir. Gecə və səhər saatlarında bəzi dağlıq ərazilərdə duman yaranacaq.Rayonlarda temperaturun gecə 20-25°, gündüz 32-36° isti, dağlıq ərazilərdə isə gecə 13-18°, gündüz 20-25° isti olacağı gözlənilir.
