Aysel Əlibəyli
28 Avqust 2026 · 13:01
1020 baxış
İran XİN rəhbəri ABŞ-la diplomatik danışıqların yenidən mümkün olduğunu açıqlayıb
Elpress.az xəbər verir ki, İranın xarici işlər naziri Abbas Əraqçi ABŞ-la diplomatik əlaqələrin və danışıqların bərpa olunmasının mümkün olduğunu bildirib.Əraqçi qeyd edib ki, bunun üçün Vaşinqton ilk növbədə İrana qarşı tətbiq etdiyi təzyiq siyasətinin nəticə vermədiyini anlamalıdır.
Onun sözlərinə görə, diplomatik prosesə qayıdış ABŞ-ın yanaşmasından və qarşılıqlı etimadın yaradılması istiqamətində atacağı addımlardan asılıdır. İranlı nazir ABŞ-dan Tehranla qarşılıqlı hörmət əsasında danışmağı, İranın hüquqlarını tanımağı və üzərinə götürdüyü öhdəlikləri yerinə yetirməyi tələb edib.
