İxracla bağlı kompensasiyalar artırılır, qeyri-rezident rəqəmsal xidmət təchizatçılarına yeni tələb tətbiq olunur
Elpress.az xəbər verir ki, Azərbaycanda sahibkarların fəaliyyətinə və ixrac imkanlarına təsir edəcək yeni güzəştlər sentyabrın 1-dən tətbiq olunacaq.Yeni qaydalara əsasən, ixracatçılara təqdim ediləcək kompensasiyanın məbləği məhsulun növündən, ixracın həyata keçirildiyi ölkədən və müəyyənləşdirilmiş yuxarı həddən asılı olacaq. Sözügedən güzəştlərin 1 sentyabr 2026-cı ildən etibarən 10 il müddətində qüvvədə olması nəzərdə tutulur.Bununla yanaşı, sentyabrın 1-dən elektron ticarətlə bağlı yeni vergi tələbi də qüvvəyə minəcək. Azərbaycanda elektron qaydada xidmət göstərən və ölkə üzrə illik dövriyyəsi 10 min ABŞ dollarından çox olan qeyri-rezident rəqəmsal xidmət təchizatçıları vergi orqanında elektron qeydiyyatdan keçməli olacaqlar.Yeni dəyişikliklərin sahibkarlar və rəqəmsal xidmət bazarında fəaliyyət göstərən xarici şirkətlər üçün vergi öhdəliklərini daha dəqiq müəyyənləşdirməyə xidmət edəcəyi gözlənilir.
