“Bank Respublika”nın depozitləri azalarkən kredit portfeli və mənfəəti artıb
Elpress.az xəbər verir ki , Bu ilin 1 iyul tarixinə “Bank Respublika”nın depozit portfeli 1,1 milyard manat təşkil edib. Bu göstərici ötən ilin eyni dövrü ilə müqayisədə 23,08 faiz azdır.Hesabat dövründə bank kredit faizlərindən 139,8 milyon manat gəlir əldə edib. Eyni zamanda, müştərilərin depozitləri üzrə faiz ödənişlərinə 23 milyon manat yönəldilib. Bank ilin ilk yarısını 34,5 milyon manat xalis mənfəətlə başa vurub.Depozit portfelində ən böyük azalma hüquqi şəxslərin vəsaitlərində qeydə alınıb. Şirkətlərin bankdakı depozitləri illik müqayisədə 38,09 faiz azalaraq 497,4 milyon manata düşüb. Fiziki şəxslərin depozitləri isə 3,8 faiz azalaraq 602,3 milyon manat təşkil edib.Hesabata əsasən, bankın ümumi öhdəlikləri 2,45 milyard manata, kapitalı isə 269,5 milyon manata çatıb. Kredit təşkilatları və digər maliyyə institutları qarşısında öhdəliklər isə 2 dəfədən çox artaraq 1,24 milyard manata yüksəlib.Bankın ümumi aktivləri illik müqayisədə 2,2 faiz artaraq 2,72 milyard manata, kredit portfeli isə 11,5 faiz yüksələrək 1,7 milyard manata çatıb. Bununla yanaşı, vaxtı keçmiş kreditlərin məbləği 53,4 faiz artaraq 23,47 milyon manat olub.Bank mümkün kredit itkilərinin qarşılanması məqsədilə yaratdığı ehtiyatları da artıraraq 12 milyon manata çatdırıb.
