Xarici ticarət üzrə gömrük məlumatlarının təqdim olunduğu dövlət qurumlarının siyahısı genişləndirilib
Elpress.az xəbər verir ki, Azərbaycanda xarici ticarətə dair gömrük statistikası məlumatlarının təqdim ediləcəyi dövlət qurumlarının siyahısına dəyişiklik edilib.Prezident İlham Əliyevin imzaladığı fərmana əsasən, bundan sonra xarici ticarətin gömrük statistikası məlumatları Kənd Təsərrüfatı Nazirliyinə də təqdim olunacaq.İndiyədək bu məlumatlar Milli Məclis, Mərkəzi Bank, Prezident Administrasiyası, Nazirlər Kabineti, İqtisadiyyat Nazirliyi, Maliyyə Nazirliyi, Qida Təhlükəsizliyi Agentliyi, Antiinhisar və İstehlak Bazarına Nəzarət Dövlət Agentliyi və Dövlət Statistika Komitəsinə təqdim edilirdi.Yeni qərarla həmin siyahıya Kənd Təsərrüfatı Nazirliyi də daxil edilib.
